അപേക്ഷ

സ്പന്ദനം 

അന്യര്‍ തന്‍ ആവശ്യം അനാവശ്യമാകുമ്പോള്..

അവ‍ഗണനാപാത്രമാം ഉപേക്ഷകള്‍..

അന്തരാത്മാവിന്‍ അപേക്ഷയാകുമ്പോള്‍...

അപേക്ഷ ഉപേക്ഷയെ ഉള്‍കൊള്ളുമ്പോള് ..

ഉപേക്ഷകള്‍ ഉള്‍വലിയുമ്പോള്‍ ...

ഉപേക്ഷിച്ചവര്‍ അപേക്ഷിക്കുമ്പോള്‍ ..

ഉത്തരം മുട്ടുന്ന ലോകനീതിയില്‍ ..

ഉത്തരം കാണുന്ന ദൈവനീതി ...

ഉത്തരോത്തരം ഉത്കര്‍ഷമേകുമ്പോള്‍..

അപേക്ഷയില്‍ ഉത്തരം കാണവേ...

അപേക്ഷാവഗണനം ദുഷ്ടശിരസ്സില്‍ ...

ആഴി കൂട്ടും നിസ്സംശയം...!

നന്ദിനി

ദൈവാശ്രയബോധം

സ്പന്ദനം

ദൈവസമക്ഷത്തില് അര്‍പ്പിതമായോരാ

ആശ്രയബോധം വ്യതിചലിച്ചീടുമ്പോള്..

ആശ്രിതവത്സല താതന്‍ ഒരുക്കുന്നു

ദൈവാശ്രയബോധം അടിസ്ഥാനമാക്കുവാന്‍ ..

മഹാവിപത്ത് തന്‍ രൂപഭാവത്തിലായ്

അണിനിരന്നീടുന്ന തേങ്ങലിന്‍ നടുവിലായ് ..

ഉച്ചത്തില്‍ ഉരുവിടും ദൈവനാമത്തിലായ്

ആശ്രയബോധം ഉയിര്‍ത്തെഴുന്നേല്‍ക്കുമ്പോള്..

വിപത്തകലുന്നതും ശാന്തി നിറയുന്നതും

ദൈവകരുണയായ് കണ്ടരുളാനുള്ള  

വരമാണ് മുഖ്യം മനുജ ജന്മത്തിനു

ദൈവകൃപയതും ജന്മസാഫല്യവും ..

നന്ദിനി    ‍  ‍

വിശുദ്ധി

സ്പന്ദനം

പഞ്ചെന്ദ്രിയങ്ങളാം

വാതായനങ്ങളില്‍ ..

ഹീനം എന്നെഴുതിയ

ബലഹീനതയെ  നാം ..

ദൈവപാദാന്തികത്തില്

കൊടുത്തെന്നാല്‍ ..

അനുഗ്രഹാശിസ്സുകള്‍

ബാഹ്യാന്തരികങ്ങളില്..

വാര്‍ത്തെടുക്കുന്നതോ ..

വിശുദ്ധ തലമുറ !

നന്ദിനി ‍ ‍

വിശ്വാസം

സ്പന്ദനം

വിശ്വാസവിളംബരം

മാത്രം വിശ്വാസിക്ക് ...

ആശ്വാസദായകം

എന്ന് നിനച്ചിടില് ...‍

പ്രവൃത്തി മറക്കുന്ന

വിശ്വാസം ക്ഷണിക്കുന്നു ...

ശ്വാസം നിലയ്ക്കും

വിപത്തുകള്‍ നിശ്ചയം !

നന്ദിനി

സര്‍വ്വസമര്‍പ്പണം

സ്പന്ദനം

സമര്‍പ്പണ വഴികളില്‍ സ്നേഹം അനിവാര്യം

സ്നേഹരാഹിത്യം പ്രശ്നത്തിലാഴുമ്പോള്‍..

സര്‍വ്വസമര്‍പ്പണം വഴിത്തിരിവാകുന്നു

നിത്യമാം ജീവിത വഴിത്താര തന്നിലായ് ...

പൂര്‍ണ്ണ സമര്‍പ്പണം അര്‍ത്ഥമാക്കുന്നതോ ...

ദേഹ ദേഹീ സമര്‍പ്പണ സത്യത്തെ ..

മനസ്സ് മനസാക്ഷി തലങ്ങളില്‍ പോലുമാ

സമര്‍പ്പണ സത്യങ്ങള്‍ വാതില്‍ തുറക്കുന്നു ..

ബുദ്ധിയും ശക്തിയും അഹവും വിളമ്പുന്ന

തത്വങ്ങള്‍ പ്രബലത ചിന്താ വൈവിധ്യങ്ങള്...‍

തൃപാദ പങ്കജേ സര്‍വ്വസമര്‍പ്പണം

തൃത്തോളിലേറ്റുന്നു  മാനവരാശിയെ.

നന്ദിനി

വചന വഴി

സ്പന്ദനം

ആ നാദധാരയില്‍ ലയനം പരിപൂര്‍ണ്ണം..

ആ ജീവ തന്തുവില്‍  പൂര്‍ണ്ണം സമര്‍പ്പണം ...

ആ ദിവ്യ തേജസ്സാം ജഗത്തിന്‍ അധിപതി ..

ജീവിത പന്ഥാവില്‍ മുക്തിസുധാകരം ...

ദിശകളില് മാറ്റങ്ങള്‍  കോടാനുകോടികള്‍ ..

തെറ്റുകള്‍ ശരികള്‍ വാഗ്വാദ വര്‍ഷങ്ങള്..

ലോക നീതി ഒരു ത്രാസ്സില്‍ ഒതുങ്ങുമ്പോള്‍ ..

ദൈവ നീതി തരും ജീവത് വചസ്സുകള്‍ ...

നന്ദിനി

‍

നന്ദികേട്‌

സ്പന്ദനം

ജീവിതം തന്നെ മഹാദാനമെന്നത്

മറക്കുന്ന ലോകം പറയുന്ന ന്യായങ്ങള്‍

നിരീശ്വരവാദികള് നിരത്തുന്ന വാദങ്ങള്‍

സൃഷ്ടിച്ച താതനു പഴികള്‍ നിരവധി ...

ഒരു കള്ളസാക്ഷ്യം പകര്‍ന്ന വിഷത്തിലായ്

കുരിശുമരണം വിജയം വരിച്ചപ്പോള്‍

കുരിശുകള്‍ അനവധി തത്വങ്ങള്‍ നിരവധി

ഇന്നു സാക്ഷ്യങ്ങളോ...കുരിശുമരണങ്ങള്.

നന്ദിനി ‍