സൂര്യന് മുഖം പൊത്തി,അനീതി പുഷ്പ്പിക്കുന്നു ...
ചന്ദ്രന് ഇരുളുന്നു,അക്രമം പെരുകുന്നു ...
വെന്തുരുകുന്നിതാ ...മൂലപദാര്ത്ഥങ്ങള്...
ദുഷ്ടത ദണ്ഡായി മാറ്റിയ മര്ത്യര്ക്ക്
ആസന്നമാകുന്ന ഭീകരമാം ദിനം ...!
കാനനം തന്നിലെ മുന്തിരി തണ്ടിനെ ..
വെട്ടിയരിഞ്ഞിട്ടു ചുട്ടെരിക്കുന്ന പോല്
കൈവെടിയുന്നിതാ ദുഷ്ടരെയൊക്കെയും
സര്വ്വസൃഷ്ടാവാം ജഗത്പിതാവിന്നിതാ
അന്ത്യവിധിയെന്ന മഹാദിനത്തില് .....
ആയിരം സൂര്യന്മാര് തന് പ്രഭയാല്
ആഗതനാകുന്നു ലോകനാഥന് ...
അകമ്പടിയേകുന്നു സ്വര്ഗ്ഗ ദൂതര് ...
സര്വ്വസമ്പത്തിന് ഉടയവനായൊരാ..
രാജാധിരാജനാം ജഗദീശനെ ..
വാന മേഘങ്ങളില് ആഗതനായൊരാ..
പൊന്നു നാഥനെ എതിരേല്ക്കുവാന്
മാലാഖ വൃന്ദത്തിന് ..നല്സ്തുതികള്
വാനിടം തന്നിലും ..ഭൂതലം തന്നിലും..
ആഘോഷമോടെ മുഴങ്ങുന്നിതാ ...
കാഹളം മുഴങ്ങുന്നു ..സ്തുതികള് ഉയരുന്നു ...
മര്ത്യഗണത്തിന് മഹാവിധിക്കായ് ...
ഒരുങ്ങുന്നു വാനവും ഭൂതലവും ...
ഭൂമിയോ തന്നിലെ മൃതരെ നല്കീടുന്നു ..
അഗാധമാം ആഴിയോ ..തന്നിലെയും
ഭൂതലം തന്നിലെ മഹത് സൃഷ്ടിയാം മര്ത്യര്
അന്ത്യവിധിക്കായി അണിനിരന്നു ....
ഈ ലോകജീവിത നന്മകള് തിന്മകള്
ഓരോന്നോരോന്നായി ഓര്ത്തിടുമ്പോള്
ഉള്ളില് മുഴങ്ങുന്ന വിധിവാചകത്തിലായ്
ഇടം വലം ഭാഗേ നിരന്നിടുമ്പോള്
ജീവനും മരണവും പുണര്ന്നിടുമ്പോള്
ആഹ്ലാദചിത്തരായ് സന്തോഷഭരിതരായി
സ്തുതിക്കുന്നു പുകഴ്ത്തുന്നു വലതുഭാഗം ...
നിത്യ നിരാശയില് ആണ്ടു പോകുന്നിതാ
ഇടതു ഭാഗത്തിലെ മര്ത്യഗണം...
അന്ത്യവിധിയാം മഹാദിനത്തില്
സ്വര്ഗ്ഗവും നരകവും നന്മയും തിന്മയും
ഏറ്റുവാങ്ങുന്നോരാ മര്ത്യ ഗണം ...
തന്നുടെ ചെയ്തികള് ,ജീവിതരീതികള് ..
സന്തോഷ സന്താപമേകിടുന്നു....
ജീവനും മരണവും പുല്കിടുന്നു ...
നന്ദിനി
