Friday 2 September 2011

മാനസാന്തരം

സ്പന്ദനം

ഉച്ച വെയിലിന്റ്റെ  ഉഗ്രമാം ചൂടേറ്റു
കേഴുന്ന ഭൂമിക്കു സാന്ത്വനമായിതാ ....
നാഥന്റ്റെ ചുടു നിണം ധാരയിലൊഴുകുന്നു ,
കാണുന്നു  ഞാനിതാ , നില്‍ക്കുന്നു  നിശ്ചലം !

വാടി തളര്‍ന്നൊരാ താമര തണ്ട് പോല്
തളരുന്നു പൂമേനി ,ഭാരിച്ച കുരിശിനാല്‍‍
പതറുന്ന ചുവടിനാല്‍ ,വീഴുന്ന നാഥനെ ...
കാണുന്നു ഞാനിതാ , നില്‍ക്കുന്നു നിശ്ചലം !

ശിരസ്സില്‍ തറച്ചോരാ, മുള്‍കിരീടത്താലെ
ഇറ്റിറ്റു വീഴുന്ന  രക്തത്തിന്‍  തുള്ളികള്‍ ,
കാഴ്ച മറയ്ക്കുന്നു , ഇടറുന്നു ചുവടുകള്‍
കാണുന്നു ഞാനിതാ , നില്‍ക്കുന്നു നിശ്ചലം !

അട്ടഹസിക്കുന്നു , പരിഹസിച്ചീടുന്നു...
തുപ്പുന്നു  നാഥന്റ്റെ തിരുമുഖത്തേയ്ക്കവര്‍...
ഹൃദയം നുറുങ്ങുന്നു, ഓടിയടുത്തു  ഞാന്‍ ..
എന്‍ പ്രിയ നാഥനെ ആശ്വസിപ്പിക്കുവാന്‍ ...

 ആശ്ചര്യഭരിതയായി  അത്ഭുതപ്പെട്ടു  ഞാന്
തിരു മുഖം  തന്നിലെ ശാന്തി  കണ്ടേഴ  ഞാന്‍‍
അനുതപിച്ചീടുന്നു, മാപ്പ് ചോദിക്കുന്നു ...
ഏറ്റു  പറയുന്നു , എന്നുടെ തെറ്റുകള്‍

ലോകത്തിന്‍ പാപമാം കുരിശും ചുമന്നു  
നടന്നു നീങ്ങുന്നോരാ  നാഥന്റ്റെ പിന്നിലായി
പോകുന്നു ഞാനിതാ ജീവിത ഭാരമായി
ചേര്‍ക്കണേ , എന്നെയും നിന്നുടെ  രാജ്യത്തില്‍ ....



നന്ദിനി


6 comments:

  1. Nannayittundu.Thudarnnu manoharamaya kavithakal pratheekshikkunnu.

    ReplyDelete
  2. Nannayittundu.Thudarnnum manoharamaya kavithakal ezhuthane...

    ReplyDelete
  3. വാടി തളര്‍ന്നൊരാ താമര തണ്ട് പോല്
    Anagne njan palappozhum ninnittund.. Ennal Kristhu.. avan ninnathu pole aarengilum..??ennengilum..??

    Thanks for the lines...

    ReplyDelete
  4. hadhi thanks
    natural friend welcome to my blog
    neelaambari ..santhoshamaayi
    basil..thanks for reading..
    i am not that much expert for clearing doubts..really sory

    ReplyDelete

please post a comment